Ներկայացնում եմ Ձեզ, հունվարյան ճամբարի հաշվետվությունը։

Հունվարյան ճամբարի առաջին օրվա ամփոփում

Հունվարյան ճամբարի երկրորդ օրվա ամփոփում

Հունվարյան ճամբարի երրորդ օրվա ամփոփում

Հունվարյան ճամբարի չորրորդ օրվա ամփոփում

Հունվարյան ճամբարի հինգերորդ օրվա ամփոփում

«Լավ է լինել հետևորդ, քան առաջնորդ»՝ բաց քննարկման ամփոփում — վեցերորդ օր

Հունվարյան ճամբարի յոթերորդ օրվա ամփոփում

Ուսումնական ճամփորդություն դեպի Ապակե տարայի արտադրական ձեռնարկություն — ութերորդ օր

Հունվարյան ճամբարի իններորդ օրվա ամփոփում

Հունվարյան ճամբարի տասերորդ օրվա ամփոփում

Հունվարյան ճամբարի տասնմեկերորդ օրվա ամփոփում

Հունվարյան ճամբարի տասներկուերորդ օրվա ամփոփում

Հունվարյան ճամբարի տասներեքերորդ օրվա ամփոփում

Հունվարյան ճամբարի տասնչորրորդ օրվա ամփոփում

Հունվարյան ճամբարի տանսհինգերորդ օրվա ամփոփում

Այլ նյութեր՝

Թեստի իմ պատասխանները

Բնագիտատեխնիկական ստուգատես 2023` Ձայնագրություն-թարգմանություններ

«Հանրակրթական Դիջիթեք 2023»-ի ներկայացման ամփոփում

Այցելություն «Սինոփսիս» տեխնոլոգիական հսկա

Այցելություն Մեծամորի №2 Ավագ դպրոց

Այսօրը մեր ճամբարի վերջին օրն էր։ Ինչքա՜ն շուտ անցավ այս ճամբարը։ Այս անգամ ընդհանուր պարապմունքն անցկացվեց Սուրբ Երրորդություն եկեղեցում, որը մենք անվանում ենք «Ուսումնական ժամերգություն»։ Ժամերգության ժամանակ սովորողները երգեցին Փրկչի մասին երգեր, միասին աղոթեցինք և վերջում էլ մոմ վառեցինք վերջին ողբերգական իրադարձության և պատերազմների զոհերի հիշատակի համար։

Շարունակել կարդալ →

Ահա եկավ նախավերջին օրը։ Ճամբարը այնքան շուտ անցավ, որ նույնիսկ չէինք էլ պատկերացնում։ Այս օրը շատ ծանրաբեռնված էր։ Նախ քննարկեցինք օրակարգը, հանդիպումների ու ամփոփումների ցուցակները, քննարկեցինք, թե քննությունների համար ինչպես ենք աշխատելու, ինչպիսի աշխատանքներ ու նախագծեր ենք կատարելու հետագայում։ Առաջին ժամվա ընթացքում մասնակցեցինք քոլեջի ուսանողների կողմից կազմակերպած «կլոր-սեղան» քննարկմանը, որտեղ նրանք մեզ ցույց էին տալիս քարտեզագրական բջջային հավելավծներ և պատմում էին, թե նրանք ինչ օգուտ են տալիս։

Առաջին ժամն անցավ այդպես, սակայն երկրորդ ու երրորդ ժամերը լուրջ ծանրաբեռնված էին։ Այդ ժամին մեզ այցելեցին «Մխիթար Սեբաստացի» քոլեջի ուսանողները, որոնք հետաքրքրված էին ֆիզիկայով և եկել էին, որպեսզի մենք «փոխանակվենք գիտելիքներով»։ Կատարեցինք «Սովորող-սովորեցնող» նախագիծը նույնպես։ Թեման էր «էլեկտրոլիտներ, ոչ էլեկտրոլիտներ, մեկուսիչներ ու հաղորդիչներ»։ Ուսանողների բացատրեցինք դիսոցման երևույթը, ցույց տվեցինք, թե որ մարմիններն են հաղորդիչ, որոնք՝ ոչ։ Նաև մենք որոշ բաներ վերհիշեցինք ու սովորեցինք։ Ուսանողները շահագրգռված էին յուրացնել ֆիզիկայի նոր դասերը, իսկ մենք շահագրգռված էինք դասը նորմալ անցկացնել։

Շարունակել կարդալ →

Այսօր՝ հունվարի 25-ին, ընդհանուր պարապմունքից հետո ջոկատով հավաքվեցինք, ամփոփեցինք կատարած աշխատանքները, գրանցեցինք արդյունքները և ուղևորվեցինք Հայաստանի Ազգային Ագրարային Համալսարան՝ նախագիծ կատարելու։ Մենք ընկեր Արտակի հետ պայմանավորվել էինք, որ պետք է այցելեինք այդ համալսարանը, որպեսզի այնտեղ մասնագետի հետ քննարկենք այդ ոլորտը, այդ արվեստը, հարց ու պատասխան անենք, թորման փորձն կատարենք ու վերադառնանք հետ։ Նախօրոք նաև պայմանավորվել էինք, թե որ նախագծերի շրջանակներում ենք այցելություններ անում։ Ժամը 10:30 շարժվեցինք և 20 րոպեից արդեն այնտեղ էինք։

Շարունակել կարդալ →

Այսօր՝ հունվարի 24-ին, մենք՝ մեր ջոկատով, ըստ օրակարգի ընդհանուր պարապմունքից հետո ժամանակ չկորցրեցինք և բարձրացանք քոլեջի գինեգործության դասարան, որտեղ և անցկացրեցինք մեր նախագիծը։ Մենք ունենք «գինու քիմիան», «միջառարկայական նախագիծ», «քիմիան ու ֆիզիկան գինու մեջ» և այս թեմաներին զուգահեռ այլ հետաքրքիր ու ոչ պակաս կարևոր նախագծեր։ Ուստի մենք հստակ նպատակով էինք բարձրացել այնտեղ։ Ի դեպ, պետք է նշեմ, որ մինչև քոլեջ բարձրանալը, հասցրել էինք այցելել «Ոսկեվազ» գինու գործարան, որտեղ էլ ծանոթացել ենք պրոֆեսիոնալ սարքերի ու գործիքների, ինչպես նաև հնամենի գինիների, հագուստների, ավանդույթների ու մշակույթների հետ։ Այդ օրվա լուսաբանումը կարդացեք՝ այստեղ, իսկ ես անցնեմ առաջ։

Շարունակել կարդալ →

Այսօրը՝ հունվարի 23-ը, մեր հունվարյան ճամբարի վերջին շաբաթվա առաջին աշխատանքային օրն էր։ Այսօր մենք եկել էին ուրախ տրամադրությամբ, քանի որ դասերից հետո ընկեր Լիլիթի ու ընկեր Գոհարի հետ գնացինք Հայաստանի Հանրապետության «Սինոփսիս-Արմենիա» տեխնոլոգիական հսկա, որի մասնաճյուղերը կան նաև Հայաստանի տարածքում և գլխավորն ու հիմնականը Արշակունյաց փողոցի վրա է։

Ընդհանուր պարապմունքին պարելուց, երգելուց ու զրուցելուց հետո, եկանք դասարան և ես՝ նախագծային խմբի անդամ Ավագի հետ գնացի թեստավորման համար տարբեր ջոկատներ և գրանցեցի արդյունքներ։ Վերադառնալուց հետո քննարկեցինք պրոյեկտները, անցած հաշվետվություններն ու ամփոփումները, փորձերն ու ծրագրերը, ինչպես նաև հետագա քայլերն ու աշխատակարգը։ Մենք խոսեցինք, խաղացինք, զվարճացանք, անցկացրեցինք հետաքրքիր դասաժամեր և հավաքվեցին՝ ուղևորվելու դեպի տեխնոլոգիական հսկա։ Ժամը 3:30 շարժվեցինք և 4-ին մոտ հասանք նշանակության վայր։

Շարունակել կարդալ →

Այսօր՝ հունվարի 23-ին, ջոկատի որոշ սովորողներով ուղևորվեցինք դեպի «Սինոփսիս» տեխնոլոգիական հսկա, որն համեմատ մյուս մեր ճամփորդությական հիմնարկների, գտնվում է Երևանի սրտում։ Նաև, ի տարբերություն մնացած ճամփորդությունների, մենք գնացինք դասերից հետո՝ ժամը 3:30։ Իսկ ժամը չորսին մենք արդեն այնտեղ էինք։ Ընկեր Լիլիթի ու ընկեր Գոհարի գլխավորությամբ ու ուղեկցությամբ, ծանոթացանք տեխնոլոգիական հսկայի հետ և ձեռք բերեցինք հստակ պատկերացում ապագայի մասնագիտության վերաբերյալ։ Մեզ այնտեղ դիմավորեցին, ուղեկցեցին հատուկ սենյակ, որտեղ էլ ցույց տվեցին պրեզենտացիան և ներկայացրեցին տեխնոլոգիական հսկայի հիմնական նպատակը։

Շարունակել կարդալ →

Այսօր՝ հունվարի 20-ը, մեր հունվարյան ճամբարի երկրորդ շաբաթվա վերջին օրն էր։ Արդեն ճամբարի վերջին մնում է ընդամենը մեկ շաբաթ։ Ընդհանուր պարապմունքին մասնակցելուց հետո, մենք քննարկեցինք հաջորդ շաբաթվա աշխատակարգը, ուսումնասիրեցինք և նախապատրաստեցինք նախագծերը և ժամը 10-ին ուղևորվեցինք «Ոսկեվազ» գինու գործարան, որտեղ էլ ծանոթացանք տեխնոլոգիաների, թորման, մշակման գործիքների ու աշխատանքների հետ։ Ուսումնասիրեցինք գինիները, հատկությունները, ինչպես նաև ոմանց մոտ հետաքրքիր հարցեր առաջացան և նրանք ուղեցին այդ հարցերը ուղեկցողին։ Մնացածը կարող եք կարդալ՝ այստեղ։

Շարունակել կարդալ →

Հունվարի 20-ին, ես՝ Գոհար Իսկանդարյանի, ջոկատիս, Գայանե Մխիթարյանի, Վարսենիկ Գրիգորյանի ու Վեներա Խառատյանի հետ ուղևորվեցի Աշտարակի «Ոսկեվազ» գինու գործարան մի շատ յուրահատուկ նպատակով։ Մեր աշխատակարգի մեջ ներառված են «գինու քիմիան», «միջառարկայական ծրագրեր», «գինու դպրոց» և այլ շատ հետաքրքիր նախագծեր կապված հետազոտման հետ։ Եվ մենք վճռեցինք գալ այս հրաշք վայրը, որպեսզի և՛ համեմատություն անենք մեր դպրոցի հետ, և՛ ծանոթանանք պրոֆեսիոնալ գործիքների ու աշխատանքի հետ։ Ահա սա էր մեր հիմնական նպատակը։ Ժամը 10-ին հավաքվեցինք Միջին դպրոցի ավտոբուսների կայանում և ուղևորվեցինք Աշտարակ՝ նոր հետազոտությունների հետևից։

Շարունակել կարդալ →

Այսօր՝ հունվարը 19-ին, մեր դասընկեր Լևոն Ավետիսյանի ծննդյան և մեր հերթական զվարճալի ճամբարային օրն էր։ Իհարկե, ես այսօր հարգելի պատճառներով բացակայեցի դասերից, սակայն նկարներից ու դասընկերներիս տպավորություններից եզրակացրեցի, որ ուրախ օր են ունեցել։ Այսօր Ավագ դպրոցի պատմության ուսուցիչ Պրն․ Տիգրանյանի հետ ուղևորվել էի Մեծամոր համայնք՝ «Նախասիրությունների բացահայտում» թեստի զարգացման ու թեստավորման համար։ Պրն․ Նիկողոսյանը՝ Մեծամորի №2 Ավագ դպրոցի փոխտնօրենը, մեզ աջակցեց այդ հարցում և իր մեքենայով հասցրեց համայնք։ Ժամը 9:10 շարժվեցինք և երեսուն-քառասուն րոպե անց, հասանք նշանակության վայր։ Դպրոցը ինձ շատ դուր եկավ իր տեսքով, վերանորոգմամբ։ Մուտք գործելով ներս, մենք տեսանք վերանորոգված ու գեղեցիկ կահավորված դասասենյակներ, գրասենյակներ, դահլիճներ ու միջանցքներ։ Որոշ ժամանակ ծանոթանալով ու խոսելով դպրոցի մասին, մենք սկսեցինք թեստավորումը։ Ավելին կարող եք կարդալ՝ հղմամբ։

Շարունակել կարդալ →

Այսօր՝ հունվարի 19-ին, ես,Ավագ դպրոցի պատմության ուսուցիչ Պրն․ Տիգրանյանի հետ ուղևորվեցի Մեծամոր՝ «Նախասիրությունների բացահայտում» թեստի զարգացման ու թեստավորման համար։ Պրն․ Նիկողոսյանը՝ Մեծամորի Ավագ դպրոցի փոխտնօրենը, մեզ աջակցեց այդ հարցում և իր մեքենայով հասցրեց համայնք։ Ժամը 9:10 շարժվեցինք և երեսուն-քառասուն րոպե անց, հասանք նշանակության վայր։ Դպրոցը ինձ շատ դուր եկավ իր տեսքով, վերանորոգմամբ։ Մուտք գործելով ներս, մենք տեսանք վերանորոգված ու գեղեցիկ կահավորված դասասենյակներ, գրասենյակներ, դահլիճներ ու միջանցքներ։ Որոշ ժամանակ ծանոթանալով ու խոսելով դպրոցի մասին, մենք սկսեցինք թեստավորումը։

Շարունակել կարդալ →

Ճամփորդության վայրը՝ «ՍԱՐԱՆԻՍՏ» ԱՊԱԿԵՏԱՐԱՅԻ ԱՐՏԱԴՐԱԿԱՆ ՁԵՌՆԱՐԿՈՒԹՅՈՒՆ»

Ճամփորդության օրը՝ հունվարի 18

Մասնակիցներ՝ Ավագ և Միջին դպրոցի ճամբարականներ

Պատասխանատու՝ Գոհար Իսկանդարյան, Գայանե Մխիթարյան

Օգնական՝ Վեներա Խառատյան

Շարունակել կարդալ →

Այսօրվա մեր օրակարգն այսպիսին էր։ Մենք այսօր ընդհանուր պարապմունքից հետո, քննարկեցինք ընկեր Գոհարի հետ «Հանրակրթական Դիջիթեք 2023»-ի մեր ներկայացումը։ Երկրորդ ժամին Միջին դպրոցի ֆիզիկայի լաբորատորիայում կատարեցինք ֆիզիկական փորձեր ճնշման վերաբերյալ։ Երրորդ ժամը մեզ մոտ Դիջիթեքի ներկայացումն էր։ Մենք՝ խմբով, բարձրացանք Ավագ դպրոցի ՏՏ տեխնոլոգիաների լաբորատորիա, որտեղ էլ ներկայացրեցինք մեր նախագիծը՝ ստարտափը։

Մեր ներկայացումից առաջ, իր պրոյեկտով ներկայացավ Մնացականյան Նարեկը՝ 9-3-ի սովորողը, ով իր ընկերոջ հետ պատրաստել էր ճամփորդական ստարտափ։ Իրեն լսելուց ու հուզող հարցերի պատասխանները ստանալուց հետո, խոսքը տրվեց մեզ։ Փորձեցինք հնարավորինս շատ խոսել ծրագրի իրականացման արդիականության ու կարևորության մասին։ Դիջիթեքի ամփոփումը կարդացեք՝ այստեղ։ Մի խոսքով ընկեր Հերմինեյի, ընկեր Մարթայի ու Ավագ դպրոցի սովորողների հետ հետաքրքիր ու արդյունավետ մի քննարկում ստացվեց, որի արդյունքում մենք մտածեցինք կայքի ու նախագծի զարգացման մասին։

Շարունակել կարդալ →

Այսօր՝ հունվարի 17-ին, Ավագ դպրոցի ՏՏ տեխնոլոգիաների լաբորատորիայում ընկեր Հերմինեյի, ընկեր Մարթայի ու Ավագ դպրոցի սովորողների մասնակցությամբ, տեղի ունեցավ «Հանրակրթական Դիջիթեք 2023»-ի ներկայացումը։ Ըստ ծրագրի երկու սովորողներ՝ իրենց աշխատանքային խմբերով, պետք է ներկայացնեին իրենց ստարտափները։ Երկու հոգու անուն էր գրված, որոնցից մեկը իմն էր։ Իմ խմբի հետ այսօր մասնակցեցինք հանդիպմանը և ներկայացրեցինք մեր ստարտափը։ Մեզանից առաջ իր հրաշալի ստարտափը ներկայացրեց 9-3 դասարանի սովորող Նարեկ Մնացականյանը։ Որպես ստարտափ, նա ներկայացրեց զբոսաշրջության համար մի հարմարավետ նախագիծ, որը հետագայում իր ընկերոջ և աջակիցների հետ պիտի ի կատար ածի։ Նա մի քանի րոպե խոսեց իր նախագծի մասին, ներկայացրեց պրեզենտացիան, պատասխանեց սովորողների ու դասավանդողների հարցերին, որից հետո խոսքը տրվեց մեզ։ Մենք ներկայացանք պրեզենտացիայով։

Շարունակել կարդալ →

Այսօր՝ հունվարի 16-ին, «Մխիթար Սեբաստացի» կրթահամալիրի Ավագ դպրոցի ընթերցասրահում տեղի ունեցավ հանդիպում-քննարկում տարատարիք սովորողների, դասավանդողների հետ, որի թեման էր «Լավ է լինել հետևո՞րդ, թե առաջնորդ»։ Մենք՝ ջոկատով և ընկեր Սոֆյայի հետ շատ ծավալուն մի թեմա էինք ընտրել քննարկման համար, ուստի այսօրվա մեր քննարկումը հաջողվեց։

Հանդիպմանը մասնակցում էին Նունե Մովսիսյանը, Անժելա Մովսիսյանը՝ իր ջոկատով, Սոֆյա Այվազյանը՝ որպես համագործակցային կողմ, Գոհար Իսկանդարյանի ջոկատը՝ նախաձեռնող ջոկատը և այլ ցանկացող անձինք։ Հանդիպումը շատ հագեցած էր, մթնոլորտը՝ ազատ։ Բոլորին էլ հերթ էր տրվում, նույնիսկ սկզբում մենք՝ վարողներս, մի քիչ լարվեցինք, քանի որ շատերը պասիվ էին, սակայն ինչ-որ «պայթյունից» հետո սկսվեց բուռն քննարկումը։ Մենք խոսեցինք քննարկման նպատակի մասին, մասնակիցների մասին, խոսեցինք ու քննարկեցինք, թե ինչո՞վ է բանավեճը տարբերվում քննարկումից։ Որոշները սուր արտահայտություններ արեցին, որոնց հիման վրա ստեղծվեցին նոր քննարկման ճյուղեր։

Շարունակել կարդալ →