Դերանուն կոչվում են այն բառերը, որոնք մատնացույց են անում առարկա, հատկանիշ, քանակ` առանց դրանք անվանելու: Դերանունները ութ տեսակի են` անձնական, ցուցական, փոխադարձ, հարցական, հարաբերական, որոշյալ, անորոշ, ժխտական:

Անձնական դերանունները մատնացույց են անում խոսող, խոսակից կամ մի երրորդ անձ` առանց դրանց անվանելու: Անձնական դերանուններն են՝ ես, ինքս, մենք, ինքներս, դու, ինքդ, դուք, ինքներդ, նա, ինքը, նրանք, իրենք:

Ցուցական դերանունները մատնացույց են անում առարկա, հատկություն, քանակ, տեղ և ձև՝ առանց դրանք անվանելու: Ցուցական դերանուններն են` սա, դա, նա, այս, այդ, այն, սույն, նույն, միևնույն, մյուս, այսպես, այդպես, այնպես, այսպիսի, այդպիսի, այնպիսի, նույնպիսի, այսքան, այդքան, այնքան, նույնքան, այսչափ, այդչափ, այնչափ, նույնչափ, այստեղ, այդտեղ, այնտեղ:

Փոխադարձ դերանունները ցույց են տալիս փոխադարձ հարաբերությամբ միմյանց հետ կապված առարկաներ կամ անձեր՝ առանց դրանք անվանելու: Փոխադարձ դերանուններն են` իրար, միմյանց, մեկմեկու կամ մեկմեկի: 

Հարցական դերանունները արտահայտում են հարցում խոսողին ծանոթ անձի կամ առարկայի, սրանց հատկության, թվի, գործողության տեղի, ժամանակի, ձևի և այլնի մասին՝ առանց դրանք անվանելու: Հարցական դերանուններն են` ո՞վ, ի՞նչ, ինչպիսի՞, ինչքա՞ն, ինչպե՞ս, ինչու՞, ո՞ր, ո՞րը, որքա՞ն, որչա՞փ, որպիսի՞, ո՞րերորդ, որտե՞ղ, ե՞րբ, ու՞ր, քանի՞, քանի՞սը, քանի՞երորդ:

Հարաբերական դերանունները նույն հարցական դերանուններն են, որոնք, սակայն, արտահայտում են ոչ թե հարցում, այլ մի նախադասություն կապում են մյուսին:

Որոշյալ դերանունները մատնացույց են անում առարկաների կամ անձերի հայտնի, որոշյալ ամբողջություն` միասնաբար կամ առանձին-առանձին վերցրած, առանց դրանք անվանելու:
Որոշյալ դերանուններն են՝ ամբողջ, ամեն, ամեն մի, բոլոր, յուրաքանչյուր, ողջ, համայն, ամենայն, ամբողջը, ամենը, ամեն ինչ, ամեն մեկը, ամեն ոք, ամենքը, բոլորը, յուրաքանչյուրը, յուրաքանչյուր ոք, ողջը:

Անորոշ դերանունները մատնացույց են անում անորոշ անձ, առարկա և կամ անձի ու առարկայի անորոշ հատկություն, քանակ` առանց դրանք անվանելու: Անորոշ դերանուններն են` ինչ-որ, ինչ-ինչ, ոմն, մեկը, մեկնումեկը, մի, մի քանի, մի քանիսը, ուրիշ, այլ, այսինչ, այնինչ, որոշ, որևէ, ովևէ, երբևէ, երբևիցե, որևիցե:

Ժխտական դերանունները մատնացույց են անում ամբողջությամբ ժխտվող առարկաներ կամ անձեր, առանց դրանք անվանելու: Ժխտական դերանուններն են` ոչ ոք, ոչինչ, ոչ մի, ոչ մեկը:

1․ Ի՞նչ է դերանունը։

Դերանուն են կոչվում այն բառերը, որոնք նշում կամ մատնացույց են անում առարկա, հատկանիշ, քանակ՝ առանց դրանք անվանելու։

2․ Քանի՞ տեսակի են լինում դերանունները, թվիր դրանք։

Դերանունները լինում են 8 տեսակի՝ անձնական, ցուցական, փոխադարձ, հարցական, հարաբերական, որոշյալ, անորոշ, ժխտական։

3․ Թվիր անձնական, ցուցական, փոխադարձ, հարցական, հարաբերական, որոշյալ, անորոշ, ժխտական դերանունները։

Անձնական, ցուցական, փոխադարձ, հարցական, հարաբերական, որոշյալ, անորոշ, ժխտական։

4․Գրիր պատում՝ օգտագործեկով հնարավորինս շատ դերանուններ։

Այսօր արթնացա շատ շուտ։ Ամեն ինչ ընկած էր գետնին և ոչինչ իր տեղում չէր։ Ես հավաքեցի խաղալիքները, հագուստը, իրերը և նույնչափ հոգևորվածությամբ սկսեցի պատրաստվել դպրոցին։ Սենյակի այն կողմում գտնվող պայուսակի մեջ լցրեցի իրերս, դպրական պիտույքներս և ոչ մի ավելորդ բան։ Դուրս գալուն պես հանդիպեցի ընկերոջս և մենք իրար ողջունեցինք։ Նա ինչ-որ պատմություն էր պատմում, որ մի օր կորցրել էր դրամապանակը, սակայն ես նրան չէի լսում, որովհետև իմ միտքը զբաղված էր ուրիշ մտքերով։ Մտածում էի, թե արդյոք կկարողանամ նույնչափ հեշտ հանձնել քննությունը, ինչքան որ հանձնեցին փորձնականը։ Ամբողջ դասարանը այդ օրը լարված էր։ Մեր դասարան մտավ ուսուցիչը և մեր հույսն ու լույսը մարեցին։ Մենք հասկացանք, որ նա լուրջ է տրամադրված և իր հետ կատակ անելը ոչ մի լավ բանի չի բերի։ Թերթիկի ամեն էջը թերթելով, ես հասկանում էի, որ ամեն ինչ այնքան հեշտ չէ, ինչքան որ թվում է։ Լավ է, որ ես երեկ ամբողջ օրս տրամադրել է քննությունների պատրաստմանը և այսօր այնքան հուզված ու լարված չէի, ինչքան որ դասարանցիներս։ Ոչ մի հարց դժվար չէր, և ես կարողացա արագ հանձնել քննությունը։ Այդ օրվա ամեն վայրկյան իմ մտքում մնաց հավերժ։