Երեկ մեր հրատարակչությունում ստացած նյութում հայտնվում է, որ ձերբակալվել է Քուսարի մարզի զորամասերից մեկի հրամանատարի տեղակալը։ Նյութի համաձայն՝ Պաշտպանության նախարարության Քուսարում տեղակայված “N” համարի զորամասի հրամանատարի անձնակազմի հետ աշխատանքների գծով տեղակալը, մայոր Յուսիֆ Իսմայիլ օղլու Նադիրովը քրեական օրենսգրքի 311-րդ (կաշառակերության) հոդվածով մեղավոր է ճանաչվել։ Նրա նկատմամբ դատարանի որոշմամբ երկու ամսվա ազատազրկման վճիռն է կայացվել։

Հետաքրքիր է, որ հետագա ուսումնասիրությունների ժամանակ պարզվել է, որ ձերբակալված հրամանատարի տեղակալը, իրականում, մեղադրվում է ոչ միայն անձնակազմի նկատմամբ կոպիտ պահվածք դրսևորելու, այլ ավելի ծանր հանցագործությունների մեջ։ Աղբյուրը պնդում է, որ երկրի հյուսիսային շրջաններում վերջին «սահմանային վահան» գործողությունների ժամանակ բացահայտվել են մայոր Յուսիֆ Նադիրովի կապերը սահմանն ապօրինի հատածների հետ։ Սակայն քանի որ իրավապահների քննչական գործողությունները շարունակվում են, տեղեկությունը չհրապարակվեց մինչև ձերբակալությունը։